Ким Жөн Ун энэ сард ОХУ-д айлчилж магадгүй

371

СӨҮЛ. /TASS/. БНАСАУ-ын Төрийн зөвлөлийн дарга Ким Жөн Ун ирэх долоо хоногт ОХУ-д айлчилж магадгүй тухай “Yonhap” агентлаг Москва хот дахь эх сурвалжийнхаа мэдээллээс иш татан уламжлав.

“Ким Жөн Ун дөрөвдүгээр сарын сүүлчээр ОХУ-д айлчлах магадлал хангалттай өндөр байна” гэж тус агентлагийн мэдээнд цохон тэмдэглэжээ. ОХУ-БНАСАУ-ын дээд хэмжээний уулзалт Владивосток хотод болох төлөвтэй байна.

ОХУ-ын Ерөнхийлөгч Владимир Путин дөрөвдүгээр сарын 26-27-нд БНХАУ-д болох “Бүс ба Зам” форумд оролцоно гэдгийг “Yonhap” агентлаг онцлон дурджээ. Путин энэ үйл явдлын дараа эс бөгөөс нэг эсвэл хоёр өдрийн өмнө Ким Жөн Унтай уулзана гэж “Yonhap”-ын эх сурвалж үзэж байгаа аж.

БНАСАУ-ын Төрийн зөвлөлийн даргын орлогч Ким Чан Сон гуравдугаар сарын 19-25-нд Москва болон Владивостокт айлчилсан тухай “Yonhap” агентлаг урьд нь мэдээлсэн билээ. Тэрбээр удирдагчийнхаа ОХУ-д хийх айлчлалын бэлтгэл ажлыг хангахаар тус улсад айлчилсан гэж мэдээлж байв.

ОХУ-ын Гадаад хэргийн дэд сайд Игорь Моргулов БНАСАУ-ын Гадаад хэргийн дэд сайд Им Чол Илемтэй гуравдугаар сарын 14-нд уулзаж, Москва болон Пёньяны улс төрийн харилцааны хуваарийн талаар хэлэлцжээ.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.