Хөдөлмөрийн аюулгүй байдлын сургалтад хамрагдав

61659716_363462361042092_5206061135157002240_nНийслэлийн Баянзүрх дүүрэг дэх Цагдаагийн 1,2,3 дугаар хэлтсийн Хэрэг бүртгэх тасгаас хөдөлмөрийн аюулгүй байдлыг хангах, эрүүл ахуйн журам зөрчсөний улмаас хүний биед хохирол учруулах гэмт хэргээс урьдчилан сэргийлэх ажлын хүрээнд “Аюулгүй ажлын байр” хэсэгчилсэн арга хэмжээг зохион байгуулж байна.

Тус арга хэмжээний хүрээнд дүүргийн нутаг дэвсгэрт үйл ажиллагаа явуулж буй аж ахуй нэгж байгууллага, үйлдвэрүүдийн захирал, инженерүүд болон цагдаагийн 1,2,3 дугаар хэлтсийн хэрэг бүртгэх, мөрдөн байцаах тасгийн мөрдөгч, хэсгийн байцаагч, хороо хариуцсан цагдаа нарт чадавхжуулах сургалтыг амжилттай зохион байгууллаа.

Сургалтыг Нийслэлийн Мэргэжлийн хяналтын газрын Хөдөлмөрийн хяналтын улсын ахлах байцаагч Г.Гантөмөр, Баянзүрх дүүргийн Онцгой байдлын хэлтсийн сургалт хариуцсан мэргэжилтэн ахлах дэслэгч Ц.Должинсүрэн нар орж сургалтад хамрагдсан хүмүүст хөдөлмөр хамгаалал аюулгүй байдлын чиглэлээр санамж сэрэмжлүүлэг тараан ажиллалаа хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.

 


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.