Н.Түвшинбаярын медалийн мялаалга наадам болно

Булган аймгийн Сайхан сумын харьяат  Найдангийн Түвшинбаяр хүн төрөлхтний спортын их баяр олимпийн дэвжээнээс хос медаль авчирсан билээ. Дөрвөн жилийн өмнө Бээжингийн олимпоос  монголчуудын 44 жил хүлээсэн алтан медалийг эх орондоо авчирсан.  Тухайн үед Түвшинбаярт зориулж   булганчууд  бэсрэг наадам хийж байсан. Тэгвэл энэ жил ч тус аймгийнхан аваргад зориулж медаль угаах баяр наадмыг энэ сарын 14-нд зохион байгуулахаар зэхэж байгаа гэнэ.