Парисын Их дуулгаас манай улс хоёр медаль хүртлээ

Жүдо бөхийн Парисын “Их дуулга тэмцээн” өнгөрсөн амралтын өдрүүдэд зохион байгуулагдлаа. Энэхүү тэмцээнд 98 орны 609 жүдоч оролцсон бөгөөд манай улсын 21 жүдоч хурд хүч авхаалж самбаагаа сорин өрсөлдлөө.

Их дуулгаас манай улс нэг мөнгө, нэг хүрэл медаль хүртсэн ба Цэнд-Очирын Цогтбаатар мөнгөн медаль, Дашдаваагийн Амартүвшин хүрэл медалийн болзол хангажээ.
Мөн 48 кг-ын жинд ОУХМ Ганбаатарын Наранцэцэг, 52 кг-ын жинд МУГТ Мөнхбатын Уранцэцэг, 57 кг-ын жинд ОУХМ Лхагватогоогийн Энхрийлэн, 90 кг-ын жинд Гантулгын Алтанбагана нар тавдугаар байр эзэллээ.