Хойд Солонгосын иргэн манай улсад цагаачлахын тулд хил зөрчив

Замын-Үүдийн хилийн боомт орчмоор унадаг дугуйтай хүн хил зөрчиж байгааг Хилийн 0108 дугаар ангийн хилчид телекамерын хяналтаараа илрүүлжээ.

БНХАУын талаас унадаг дугуйтай нэг хүн хил зөрчин орж ирж буй мэдээллийн дагуу хил зөрчигчийг саатуулах тусгай бүлэг томилогдон газар дээр нь очиход БНАСАУ-ын иргэн Ким Ёон Риол гэдэг хүн байжээ. Тэрбээр хилчдэд “БНХАУ-д хөдөлмөр эрхэлж байгаад цагаачлах зорилгоор Монгол Улс хил нэвтэрсэн” гэж мэдүүлжээ.