2012 оны сонгуульд МАН-ыг санхүүжүүлэх баячуудын нэрийг зарлаж байна

Төсвийн саалийн “үнээ” гэгддэг “Эрдэнэт” үйлдвэрийн дарга Ч.Ган­зоригийг орлогч захирал Ц.Бат-Энх, санхүү эрхэл­сэн орлогч Б.Жаргалсай­ханы хамт оруулсан бай­на. Мөн хоёр улсын хам­тарсан  “Монголрос­цвет­мет”  нэгдлийн дарга О.Эр­дэнэ,  УБТЗ-ын дар­га Т.Очирхүү, Оюу толгой, Таван толгой зэрэг стра­тегийн ордуудын лицен­зийг эзэмшигч төрийн өмчийн “Эрдэнэс МГЛ” компанийн удирдах ал­бан тушаалтнууд болох  Б.Ганхуяг, Г.Тэмүүлэн гээд улсын өмчийн үйлдвэ­рийн газруудын дарга нар хөвөрнө. “АХ” намыг бараадвал албан ту­шаалд хүрдэг учир за­луус  хошуу­рахаас ч арга­гүй аж.

Энэ намд шинэ ца­гийн баячуудын хүүхдүүд түрэн орж  шатаар  хурд­тайгаар өгсөж байна. “МАК” компанийн ерөн­хий захирлын хүү Н.Ном­тойбаяр, “Их засаг” их сургуулийн захирал Д.Ням-Осорын хүү Н.Уч­рал гээд цу­варна. Завхан нутгийн гурван анд гэгд­дэг байсан Н.Багабанди, Ц.Балдорж, Ш.Отгон­би­лэг агсны хүүхдүүд ч энэ намын нүүр царай боло­хоор шийдэж улс төрийн карьер хөөх болжээ. Ш.Отгонби­лэг агсны хүү “Петро­вис” компанийн гүйцэтгэх за­хи­рал  О.Содбилэг,  Ц.Бал­дорж агсны хүү “Улаан­баатар” зочид бууд­лын ТУЗ-ийн дарга Б.Мөнхтүшиг нар Бага хурлын гишүүн болсон байна. Мөн хувийн банк­ны эзэд, захирлууд ч МАН руу хошуурах бол­жээ.

Хас, Үндэс­ний хө­рөн­гө оруулалтын банк­ны боссууд орлогч нараа  дагуулаад Бага хуралд шургалж амжжээ. “Би ши­нэ үеийн төлөөлөл, МАХН бол коммунист нам, энэ нам даран­гуй­лагч, бялдуучлагч нарыг бэлддэг” хэмээн шүүм­жилж байсан М.Ичин­норов  МАН-д  “хайр”  зарлаж  Бага хурлын гишүүн болж амжив. 2008 оны сонгуулиар ИЗН-ын төлөө улайран гүйж эрх баригч хүчин рүү чичилж  байсан сэтгүүлч Б.Батзулын  үзэл бодол  ч өөрчлөгджээ.  Энэ бүсгүй намд элсэн  магтан дуулдаг болсныхоо хариуд  намын дарга С.Бат­болдоор    хувийн эзэмшлийнхээ Ногоон сувгийг дэмжиж ажиллана гэсэн бичиг хийл­гүүлээд агентлагуудын дарга нараас мөнгө шаналгаж санхүүждэг гэсэн яриа ч чих дэлсэх болжээ.

“Бөмбөгөр”  худалдааны төв шатаж лангуу түрээс­лэгч­дэд ээрүүлж байсан хатагтай Г.Алтан, татвараас нуугдахын тулд хахууль өгсөн хэрэгт татагдан шорон­гийн хаалга татах гэж байсан  “Ноёд” группын захирал Г.Буяндорж гээд хэл амны бай болж байсан бизнесмэнүүд МАН-ын ивээлд багтаж Бага хурлын гишүүд болжээ. Их хурлын зарим төлөөлөгчид “Очиж очиж Г.Алтанг сонгоод байх даа яахав дээ. Олон хүнийг хоолноос нь салгачихаад хохир­лыг нь барагдуулж дуусалгүй хил даван зугтаасан биз дээ. Манай нам гэмт хэрэгтнүүдийг хаацайлах байр юм уу” хэмээн  баалсан ч  Увсын фракцынхан тэр дундаа ХЗДХ-ийн сайд Ц.Нямдорж зүтгүүлсээр Бага хурлын гишүүн болгосон гэцгээх аж. МАН эрдэм номын  мөр хөөсөн философич, эрдэмтэн судлаач гэсэн оюунлаг давхарга,  мал­чин, тариаланч гэсэн жирийн иргэдийг ойшоодоггүй бололтой дог оо. 310 хүн дотор их, дээд сургуулийн багш, суд­лаач нар дэндүү цөөхөн.

МУИС-ийн ХЗДС-ийн захирал С.Нарангэрэл, ШУА-ын тэргүүн нарийн бичгийн дарга Т.Галбаатарыг эс тооцвол шүү дээ. Харин  урлаг, соёл, спортын одуудад элэгтэй гэж жигтэйхэн.  МАН-д  элсэн батлахаа өвөртлөөд удаагүй байгаа МУГЖ Д.Жаргалсайхан болон  Улсын гарьд Ц.Цэрэнпунцаг, Улсын аварга Д.Сумьяабазар, төрийн соёрхолт, Ардын жүжигчин Н.Жанцанноров зэрэг эрх­мүүдийг урьж залан  Бага хурлынхаа гишүүн болгожээ. “Жижиг” намд ороод  албан тушаалд хүрнэ гэж зүдэрч байхаар “том” нам бараадах нь ашигтай гэж ахдаа зөвлөж байсан Симба Ц.Ба­таагийн төрсөн дүү  Ц.Бат-Энх  ч аргагүй мэдрэмжтэй нэгэн аж.

“Эрдэнэт” үйлд­вэрийн орлогч захирал болоод зогсохгүй Бага хурлын гишүүн болоод амжлаа.. За тэгээд намдаа гар татдаггүй өгөөмөр компанийн захир­луудаа ч Бага хурлын гишүүн болгохоо мартсангүй. “Петровис” компанийн ТУЗ-ийн дарга Ж.Оюунгэрэл, “Сод Монгол” группын ерөнхийлөгч Ц.Анандбазар, “Эко конст­ракшн”-ны босс С.Нямдаваа гээд нам дагаж бизнесээ цэцэглүүлж байгаа биз­нес­мэнүүд олноороо МАН-ын  Бага хуралд сонгогджээ. Дээрх баячууд Бага хурлын гишүүн болсныхоо төлөө ирэх 12 оны сонгуульд намаа мөнгөөр угжих нь тодорхой.