ГУРВАН ЭЭЛЖЭЭР ХИЧЭЭЛЛЭДЭГ СУРГУУЛИЙГ ХОЁР ЭЭЛЖИД ШИЛЖҮҮЛЭХ ТАЛААР САНАЛ СОЛИЛЦОВ

olloo_mn_1542164099_yamБСШУС-ын дэд сайд Г.Ганбаяр Нийслэлийн Боловсролын газрын дарга удирдах албан тушаалтнууд, дүүргийн боловсролын хэлтсийн дарга нартай дөрөв дэх удаагаа уулзлаа. Өмнөх уулзалтуудаар нийслэлийн хэмжээний Ерөнхий боловсролын сургууль, цэцэрлэгийн орчны аюулгүй байдал, сургууль цэцэрлэгийн хөрөнгө оруулалтыг хөндөж, эрсдэлтэй нөхцөл байдлыг арилгах чиглэл өгч, олон ажил хийгдсэн.

Энэ удаагийн уулзалтаар  Засгийн газрын үйл ажиллагааны мөрийн хөтөлбөрт орсон  гурван ээлжийн сургуулийг хоёр ээлжид шилжүүлэх талаар санал солилцож үүрэг чиглэл өглөө.

Өнөөдрийн байдлаар ерөнхий боловсролын 28 сургууль гурван ээлжээр хичээллэж байгаа юм. Хэдийгээр 2019 оны улсын төсөвт 113 сургууль шинээр барихаар төсөвлөгдсөн ч гурван ээлжээр хичээллэж байгаа сургуулиудыг бүрэн хэмжээнд хоёр ээлжид шилжүүлэхэд хангалтгүй гэсэн тооцоо бий. Төвийн сургуулиудад үүссэн төвлөрлийг сааруулах, хүүхдүүдийг хамран сургах тойргийнх нь сургуульд суралцуулах, хамран сургах тойргоо оновчтой тогтоох зэрэг зохион байгуулалтын арга хэмжээ авах, ирэх таван жилийн нэгдүгээр ангид элсэх хүүхэд, бүлэг дүүргэлтийн дундаж зэрэг тооцоо судалгааг нарийн гаргах чиглэлийг дэд сайд Г.Ганбаяр өглөө.

 2019-2020 оны хичээлийн жилд хоёр ээлжтэй болгох асуудлыг бодлогын хувьд болон орон нутагтаа ажиллаж байгаа боловсролын хэлтсийн удирдлагуудын хүрээнд дахин ярилцахаар боллоо.

Эх сурвалж: БСШУСЯ


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.