Михаил Прохоров улсын үйлдвэрийг барьцаалан, Засгийн газраас зээл авч баяжжээ

Оросын Ерөнхийлөгчийн сонгуульд нэрээ дэвшүүлсэн тэр­бумтан Михаил Пр­охо­ровын баяжсан түүх, амьд­ралын намтрыг ун­шигч­дадаа хүргэж байна.
Түүний зохион байгуулдаг тансаг үдэшлэгийг Сан-Тро­пагийн элит рашаан су­ви­лал болон Номин эрэг, Куршевелийн уулын ца­нын баазын байнгын үйлч­лүү­лэгчид андахгүй. “Nikki Beach”, “Voile Rouge”-д бол­сон үдэшлэгийн үеэр Ми­хаил Прохоров тус бүр нь 300 еврогийн үнэтэй 260 лонх цуглуулгын оргилуун дарсыг фото моделиудаар юүлүүлж, дээд амжилт тогтоосон түүх­тэй. Сэтгүүлчдийн тоо­цоолс­ноор сайхан хүүхэн, нар­гиан цэнгээнд дуртай энэ оли­гархи 2006-2007 оны өвөл зөвхөн Куршевельд л 20 сая евро үржээ.
Михаил Прохоровыг Оро­сын бизнесийн салба­рын хам­гийн нууцлаг эрхэм хэ­мээ­дэг. Тэрбээр сэт­гүүлчид­тэй бараг уулздаггүй. 2,04 м өндөр түүний амьдралын түү­хийг өгүүлсэн баримтат кино хийх болбол найруулагч нь тохирох жүжигчин олох гэж зовох байх даа.
1965 онд төрсөн Михаил 1990-ээд оны зах зээлийн үед хөл дээрээ босчээ. Түүнийг “self-made man” буюу өөрөө өөрийгөө бий болгосон хүн гэж хэлж болно.
Москвагийн эрдэмтэн, сэхээтний гэр бүлд төрж өс­сөн Михаил Прохоров ту­хайн үедээ хамгийн шил­дэг Моск­вагийн сан­хүүгийн дээд сургуульд ямар ч хүнд­рэл­гүй­гээр элсэв. Түүний цааш­дын ажил, карьер ч мөн дардан байсан гэхэд хилсдэхгүй. Сур­гуулиа төгсөөд хашсан хам­гийн анхны албан ту­шаа­лыг нь сонсвол та ан­гайх байх. Михаил Олон ул­сын эдийн засгийн хам­тын ажиллагааны банк (ОУЭЗХАБ)-ны удирдах газ­рын дар­гын суудалд оч­сон гээд бод доо.
Санхүүгийн төрөлх авьяасаа нээхэд нь Михаил Про­хоровт бизнесийн түн­шүүд нь тодорхой хэм­жээ­г­ээр тусалсан. Тэдний нэг нь ОХУ-ын өнөөгийн Ерөн­хийлөгчийн Хойд Кав­казыг хариуцсан бүрэн эрхт төлөөлөгч Александр Хло­по­нин юм. Тэр хоёр залуудаа тухайн үед моодонд орсон “чанамал жинс”-ийг үйлд­вэрлэж, зардаг байжээ.
Прохоровын ажлын ам­жилт үүгээр зогссонгүй. 1993 он гэхэд тэрбээр “Онэксим банк”-ны ерөнхий хорооны дарга, дараа нь ерөнхийлөгч болов. Яг энэ үеэр тэрбээр Оросын ирээдүйн тэрбумтан, тухайн үедээ “Интеррос” хэмээх жижиг компанийн эзэн Владимир Потанинтай та­нилц­санаар хувь заяагаа эрс өөрчилжээ. Потанин олон ажлыг Прохоровтой хамт эхлүүлж, улмаар 1995 онд Оро­сын бизнест хамгийн оновч­той санааг бодож олов. Энэ санааныхаа дагуу тэд Оросын Засгийн газраас барь­цаатай зээл авчээ. Гэх­дээ зээлийн барьцаа нь ул­саас хувьд шилжсэн үйлдвэрийн хувьцаа бай­сан юм. Энэхүү зээлийн ачаар түншүүд да­раагийн жилүүдэд Но­ри­лийн никель, “СИДАНКО” неф­тийн компани зэрэг ашиг­тай байгууллагуудыг эзэм­­шиж чадсан. Ийнхүү Про­­хоров, Потанин нар Оро­сын хамгийн баян хү­мүү­сийн тоонд багтжээ.
Гэвч бизнесийн түншүү­дийн энэ нөхөрлөл алдарт Кур­шевелийн дуулианы да­раахан буюу 2008 онд дуус­гавар болов. Францын цаг­даагийн газар Прохоровыг Оро­сын янхнуудыг Кур­ше­велийн рашаан сувилал руу зөө­дөг хэмээн мэдэгдсэнээс болж, түүний нэр хүнд Орост төдийгүй, Европ даяар уна­жээ.
Яг энэ үеэр Потанин түү­нийг хэлэлцээрийнхээ за­рим заалтыг мөрдөөгүй хэ­мээн буруутгаж, нэг мө­сөн буулгахыг оролдов. Ту­хайл­бал Прохоровыг “Норни­кель”-ийн хаалттай баг­цыг худалдах амлалтаа би­е­лүү­л­ээгүй гэжээ. Хариуд нь Прохоров Потаниныг шүү­хэд өгч, улмаар ялалт бай­гуу­лав.
Өнөөдөр Михаил Прохо­ров “Онэксим” группийн ерөн­­хийлөгч, “Полюс зо­ло­то” компанийн ерөнхий за­х­и­­­рал, “Норникель”-ийн за­­хир­луудын зөв­лө
­лийн ги­­шүү­ний үүрэг гүйцэт­гэ­дэг.
“Forbes” сэтгүүлийн 2011 оны дэлхийн хамгийн баян хүмүүсийн жагсаалтад 18 тэрбум долларын хөрөн­гө­тэйгөөр 32-т, оросуудаас эхний гуравт жагсаж байна.
Прохоров спортыг хобби төдий­гүй бизнес болгож чаджээ. Оросын олигархийн өндөр нуруу нь түүнийг сагсан бөмбөг сонирхдогийг гэрчилнэ. Тэрбээр “NBA”-гийн “Нью Жерси нетс” багийг худалдан авсан юм. Мөн Оросын биатлоны та­мирч­дын холбоог ивээхээр бол­жээ. Харамсалтай энэ спор­тынхон одоо ч тодорхой амжилт үзүүлж чадаагүй л байна. Михаил өдөрт дор хаяж хоёр цагийг спортод зар­цуулдаг бөгөөд усны ду­гуй, кикбоксинг, уулын ца­на, виндсерфингээр хичээл­лэ­дэг.
Энэ баян эрхэм өдгөө 47 нас шүргэж яваа ч одоо бол­тол гэрлээгүй. “Гэр бүл зо­хиохгүйгээр амьдралын мөч бүрийг сайхан өнгөрүүлж байна” хэмээн тэрбээр ярих дуртай.
Сүүлийн үед Прохоров олны өмнө гарч ирэх нь нэмэгдсэн. Тэрбээр Оросын Хөдөлмөрийн хуульд өөрч­лөлт оруулж, долоо хоногт аж­лын 60 цаг байх ёстой гэсэн төсөл гаргасан нь нийгэмд эсэргүүцэл дэгдээж бай­на.
Түүний намтарт гайхал төрүүлэм зүйл олон. Тухайл­бал Прохоров Москвагийн сан­хүүгийн дээд сургуулийн төг­сөх дамжаанд сурч байхдаа ЗХУ-ын Коммунист намд элсчээ. Мэдээж хэн хаана элсэх нь хүний эрхийн асуудал. Гэхдээ энэ намд ажилчин ангийнхан, тариа­чид л шууд элсдэг бөгөөд сэхээтнүүд хатуу шүүл­түүрээр ордог байв. Харин Улсын аюулгүйн хороонд ажилладаг оюутнууд л энэ намд орох боломжтой байхад Михаил Прохоров шууд элссэн нь хачир­хал­тай биш гэж үү?
Өөр нэг хачирхалтай зүйл бий. Михаил Прохоров Москвагийн санхүүгийн дээд сургуулиа төгсөөд Олон ул­сын эдийн засгийн хамтын ажиллагааны банканд, тэгэх­дээ бүр удирдах газрын даргаар томилогдсон нь олны анхаарлыг ихэд татдаг.
Бүр ч хачирхалтай нэгэн түүхийг сөхөхөд тэрбээр 2007 онд Куршевелийн хэргийн улмаас Францын цагдаа нарт баривчлагдсан хэрнээ 2011 оны гуравдугаар сард Францтай ойртон дотно­соход зүтгэл гаргасан хэмээн Хүндэт легионы одонгоор шаг­нуулсан байгаа юм.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.