Дуучин Т.Ариунаа хөлбөмбөгийн үнэнч фанат

100_500x500Монгол Улсын гавьяат жүжигчин, НҮБ-ын Хүүхдийн сангийн элч дуучин Т.Ариунаа урлагийн тайзыг хөлбөмбөгийн талбай адил болгож чаддаг адтай нэгэн. Дуулсан дуу болгон нь хит болдог уран бүтээлч бүсгүй маань бие даасан тоглолтуудаа мэргэжлийн өндөр түвшинд хийдгийг урлаг судлаачид төдийгүй шүтэн бишрэгчид нь онцолдог. “Эрос №1” анхны бие даасан тоглолтоороо Монголын хөгжмийн ертөнцөд тэсрэлт хийсэн тэрбээр зөвхөн нэг л тоглолтдоо 200 гаруй уран бүтээлчтэй хамтран ажиллаж, ажлын байраар хангадгаараа онцлогтой. Тэгвэл энэ удаад дуучин Т.Ариунаагийн нэгэн нууцыг дэлгэе. Урлагийн тайзнаа багийн тоглолтыг гайхалтай харуулж чаддаг дуучин маань хөлбөмбөгийн үнэнч фанатуудын нэг. Тийм ч учраас ирэх сарын 8-нд болох “Тэнгэр шиг бай” тоглолтынхоо бэлтгэлийн хажуугаар хөлбөмбөгийн дэлхийн аварга шалгаруулах тэмцээний урьдчилсан шалгаруулалтын тоглолтыг үзэж, Монголынхоо багийг дэмжжээ. Харин одоо дуучин Т.Ариунаа “Буянт-Ухаа” спортын ордонд хийх “Тэнгэр шиг бай” тоглолтынхоо үеэр мэргэжлийн ямар өндөр жишиг тогтоож, уран бүтээлч нөхөдтэйгөө хамтран хэр гал асаасан тоглолт хийхийг харах л үлдлээ.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.