Коби Брайант “Алдрын танхим”-д

86732014_747652458976754_3277552898640183296_n_bСагсан бөмбөгийн алдрын танхимд энэ онд мөнхлөхөөр шигшигдсэн оддын дунд “Лос-Анжелес Лейкерс”-ийн домогт хамгаалагч Коби Брайант тэргүүтэй сагсан бөмбөгчид багтжээ.

Тэрбээр саяхан нисдэг тэрэгний ослын улмаас амиа алдсан билээ. Үндэсний сагсан бөмбөгийн холбооны таван удаагийн аварга, олимпийн хошой аварга, Бүх оддын тоглолтод 18 удаа оролцсон К.Брайант “Лейкерс” багийн олон дээд амжилтыг эзэмшдэг бөгөөд үүнд хамгийн олон тоглолтод оролцсон, олон оноо авсан, олон удаа бөмбөг тасалсан зэрэг багтдаг юм.

Мөн Алдрын танхимд нэр дэвшигчдийн дунд Бүх оддын тоглолтод 15 удаа оролож, шувтаргын тоглолтын хамгийн үнэ цэнтэй тоглогчоор гурван удаа тодорсон Тим Данкэн, Бүх оддын тоглолтод 15 удаа оролцсон Кевин Гарнетт, олимпийн дөрвөн алтан медальт эмэгтэй сагсан бөмбөгч Тамика Кэтчингс нар орж байна. 2020 онд Алдрын танхимд мөнхлөх тамирчдын нэрийг ирэх дөрөвдүгээр сарын 4-нд олон нийтэд албан ёсоор танилцуулах бөгөөд ёслолын үйл ажиллагаа наймдугаар сарын 28-30-нд болно.

М.Бүүвэй


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.