СЭРЭМЖЛҮҮЛЭГ: Дугуй засвар шатаж, нэг иргэн амь насаа алджээ

Нийслэлийн Чингэлтэй дүүргийн 13 дугаар хороонд байрлах дугуй засвар шатаж, нэг иргэн амь насаа алдсан ноцтой хэрэг гарчээ.

Тодруулбал, Тус хорооны “Сургууль”-ийн 30 дугаар гудамжны “Задгай”-д 4х3 метрийн хэмжээтэй дугуй засварын сендвичин барилга шатаж, 42 настай, эрэгтэй Б-гийн амь нас хохирсон байна.

Онцгой байдлын алба хаагчид галыг унтраан, цогцсыг гаргаж тус дүүргийн Цагдаагийн хоёрдугаар хэлтсийн жижүүрийн бүрэлдэхүүнд шилжүүлэн өгсөн байна.