XX зууны манлай заан Д.Долгорсүрэнгийн хүүхдүүд бүгд бөхийн спортод сэтгэл зүрхээ өгсөн гэдгийг хүмүүс андахгүй. Тэднээс өдгөө улсын аварга, УИХ-ын гишүүн Д.Сумъяабазар л бөхийн спортдоо үнэнч үлджээ. Тодруулбал, Монголын чөлөөт бөхийн холбооны удирдах зөвлөл хуралдаж Д.Сумъяабазарыг даргаараа сонгосон байна. Ингэснээр тэр Монголын чөлөөт бөхийн холбоог үргэлжлүүлэн удирдахаар болж байгаа юм.