С.Мөнхбат аваргатай гар барих гээд “хамгаалагчидад” нь уруулаа сэт цохиулжээ

НИТХ-ын даргын гэгдэх “Минт” бааранд томчуудтай олонтоо тааралдаж болно. Бөхчүүд ч их ордог. Аварга арслангууд өөрөө дагуулдаг эсвэл өөрсдөө дагадаг нь үл мэдэгдэх баахан ойворгон залуустай шоудаж харагддаг. Тэгвэл бөхийн хорхойтон нэгэн залуу аварга С.Мөнхбаттай гар барих гэсэн биш “бие хамгаалагч” залуусд нь зодуулж уруулаа сэт цохиулжээ. Хохирогч болсон явдлын тухай мэдүүлэхдээ “…тухайн үед Мөнхбат аваргатай гар барих гэсэн чинь хажуу талаас нэг том биетэй залуу ирээд түлхээд ойртуулахгүй байхаар нь “чамтай гар барих гээгүй хүндэлж явдаг бөхтэйгөө гар барих гэж байна” гэсэн. Баарнаас гарахаас өмнө нойлын өрөөнд бие засаж байхад нөгөө өндөр залуу өөр нэг залуугийн хамт араас орж ирээд нүүр рүү хоёр удаа цохисон. Хамт явж байсан жижиг залуу бид хоёрыг салгах гээд дундуур орж ирээд намайг өшиглөөд гараараа цохиж эхэлсэн. Жижиг биетэй залуутайнь ноцолдоод доошоо тонгойсон байх үед том биетэй нь нүүр гуя руу зургаан удаа өшиглөсөн.

Би тэр залуугийн араас гараад цагдаад дуудлага өгөхөд машиндаа суугаад зугтаачихсан. Тухайн залуучуудтай маргалдсан зүйл байхгүй. Мөнхбат аваргатай гар барих гээд очиход хажуу талаас түлхэж холдуулаад байхаар нь чамд хамаагүй гэж хэлсэн. Үүнээс болж намайг зодсон байх…”гэжээ. Ийм явдал болсоныг хохирогчийн эхнэр ч баталжээ. Тэрээр “….Бааранд бүжиглэж байгаад нойлын өрөө рүү явах замдаа бөхтэй таарсан. Энэ үед бөхийг хүмүүс тойроод зогссон байсан. Тэдний дунд манай нөхөр ч бас зогсож байсан. Тэгсэн өндөр биетэй залуу гарч ирээд бие хамгаалагч нь юм шиг хүмүүсийг цааш нь болгоод “явцгаа” гээд нөхрийн хавирга орчим нь тохойлдоод түлхээд байхаар нь “чи яагаад зүгээр зогсож байгаа хүнийг түлхээд байгаа юм бэ” гэсэн чинь намайг сонсохгүй байсан. Нөхөр “чамтай гар барих гэж ирээгүй, хүндэлдэг бөхтэйгээ гар барьчихаад явлаа” гэж хэлсэн.

Тэрнээс хойш жаахан бүжиглэж байгаад явах гээд гарахад манай нөхөр “бие засаад ирье” гэж хэлээд нойлын өрөө рүү яваад гарч ирэхдээ зодуулсан байсан. Ингээд камерын бичлэгийг үзэхэд манай нөхрийг үүдэнд “цаашаа бай” гэсэн байдалтай түлхсэн, залуу өөр нэг залуугийн хамт зодож байгаа бичлэг байсан. Манай нөхрийн уруул нь сэтэрсэн. Эмнэлэгд үзүүлэхэд хамрын яс нь хугарсан, хацрын орчим цөмөрсөн байна гэсэн” гэжээ. Зодсон зодуулсан хоёр нь хоеулаа халамцуу байсан биз. Аварга хохирогчийг согтуу бас агсан тавих маягтай болохоор нь гар бариагүй гэжээ. Шалаад байхаар нь гар барьтал зуурчаад тавихгүй байсан гэнэ. Аваргын өөдөөс бас хүндэлж явдаг бөхдөө агсан тавих бөхийн хорхойтон байхгүй. Өөрийг нь шүтэж явдгаа хэлээд байгаа хүнийг хүндэтгээд ихэрхэлгүй, тээршаалгүй гар барьчихсан бол зодоон гарахгүй байж болох байжээ. Алдар нэр авдаг бай шагналдаа бялуурсан бөхчүүдэд олны хүндэтгэл тээртэй санагддаг болжээ.

 Эх сурвалж:tonshuul.mn