“Эрүүл нийгмийн эсрэг” хөдөлгөөний Г.Дамдинням ШУТИС-ийн проректор болжээ

2004 оны сүүлээр Монголд иргэний хөдөлгөөний “boom” болж байв. О.Магнай, Ж.Батзандан нарын үүсгэн байгуулсан Эрүүл Нийгэм-Иргэний Хөдөлгөөн ч тухайн үед үүсэн байгуулагдаж байлаа.
Энэ үеэр Эрүүл Нийгэм-Иргэний Хөдөлгөөнийг Эрүүлжүүлье нэртэй  “тоглоомын” хөдөлгөөнийг удирдаж байсан Г.Дамдинням гэгч залуу бий.  МАХН-ын дэргэдэх МАСОХ-ны дэд Ерөнхийлөгчөөр ажилладаг байсан гэх энэ залуу сүүлийн  жилүүдэд БСШУЯ-ы сайд Ё.Отгонбаярын туслахаар ажиллаж байсан аж.
Оны өмнөхөн нэгэн хачирхалтай томилгоо болсон нь мөнөөх “оюутны жагсаал удирдагч”-ийг ШУТИС-ийн  гол хөрөнгө, санхүүг мэддэг   албан тушаал болох Эдийн  засаг, нийгмийн хөгжлийн проректороор томилсон явдал юм.
Инээдтэй нь Г.Дамдиннямын  дээд боловсролын салбарт ажилласан туршлага нь  МУБИС-ийн оюутан, оюутны зөвлөлийн даргаар дуусч байгаад ШУТИС-ийн багш нар ихэд дургүйцэж байгаа гэнэ.
Мөн саяхан сургуулийн сонин гаргаж, сурагчиддаа шахаж байна гэх хэл амны эзэн болж байсан 23-р дунд сургуулийн захирал Ц.Уянга түүний эхнэр юм байна.

Н.Батсүмбэрэл