Огноо: 2013/5/10 15:55:00

НИЙСЛЭЛИЙН ЕРӨНХИЙ ТӨЛӨВЛӨГӨӨНИЙ ГАЗАР “МӨРӨӨДЛИЙН ХОТ” ГАР ЗУРГИЙН УРАЛДААНЫ УДИРДАМЖ

Нийслэлийн Ерөнхий төлөвлөгөөний газраас Монгол Улсын ирээдүйн эзэд болсон хүүхэд багачуудынхаа дунд гар зургийн уралдааныг зарлаж байна.

Зорилго:

Хотын хөгжил дэвшилд хүүхдийн оролцоог нэмэгдүүлэн, хүүхэд өөрийн үзэл бодлоо чөлөөтэй, бүтээлч байдлаар илэрхийлэхийг дэмжин, тэдний дотоод ертөнц, хүсэл мөрөөдлийг тэдний нүдээр харахад оршино.

Уралдааны хугацаа:

Уралдаан 2013 оны 05-р сарын 11-25 хооронд явагдах бөгөөд бүтээлийг 2013 оны 05 дугаар сарын 25-ны өдөр Нийслэлийн төр захиргааны Хангарьд ордоны 13 давхарт 10.00-17.00 цагийн хооронд хүлээн авна.

Хамрах хүрээ, сэдэв:

6-16 насны хүүхэд багачуудыг хамрах бөгөөд өгөдсөн сэдвээр хүүхэд бүр өдөр тутам харьцаж байдаг цэцэрлэг сургуулийн орчин, гудамж, зам талбай, тоглоомын талбайг төсөөлөн зурж болно.

6-9 нас “Миний мөрөөдлийн тоглоомын талбай”
10-13 нас “Миний мөрөөдлийн гудамж”
14-16 нас “Миний мөрөөдлийн цэцэрлэгт хүрээлэн”

Тавигдах шаардлага:

Гар зургийн бүх төрлөөр А3 формат /42х29.7см/ дээр зурна.
Зураг зурсан хүүхдийн овог нэр, нас, эцэг эхийн холбогдох утасны дугаарыг, төрсний гэрчилгээний хуулбар, зургийн тайлбарын хамт хавсаргана.

Уралдааныг дүгнэх:

Уралдааныг 2013 оны 05 дугаар сарын 25-аас 05 дугаар сарын 30-ны өдрийн дотор дүгнэнэ.

Бүтээлийг насны ангилал бүрт I, II, III, Тусгайбайр эзлүүлнэ.

. Шагнал урамшуулал:

Нэгдүгээр байр: 300 000 /гурван зуун мянга/ төгрөг бэлэг дурсгалын зүйл

Хоёрдугаар байр: 200 000 /хоёр зуун мянга/ төгрөг бэлэг дурсгалын зүйл

Гуравдугаар байр: 100 000 /нэг зуун мянга/ төгрөг бэлэг дурсгалын зүйл

Шагналт байр: Бэлэг дурсгалын зүйл

Мөн дэмжигч хувь хүн, байгууллагууд өөрсдийн нэрэмжит шагналаа өгч болно.

Зохион байгуулагч:

Нийслэлийн Ерөнхий төлөвлөгөөний газар

Тодруулга, лавлагаа: