Харүмафүжи зодог тайлж магадгүй
Японы Мэргэжлийн сүмогийн холбооноос ёкозүна Харумафүжиг сүүлийн хоёр башёд тааруу барилдсан гэж зэмлэлээ. Тийм учир ирэх нагоя башёд зайлшгүй түрүүлэх ёстой гэж ёкозүна сонгох хорооны тэргүүн Хитоши Учияма мэдэгдлээ.
Хэрэв Харүмафүжи Д.Бямбадорж ирэх долоодугаар сарын башёд хоёроос дээш унавал түүнийг зодог тайлуулахаар зориуд шахалт хийх болно гэдгээ Японы сүмо бөхийн холбоо ил тод мэдэгдэж байгаа юм.
Харүмафүжи сүүлийн хоёр башёд түрүү авах хэмжээнд барилдаагүй төдийгүй дараалан хоёр өвдөг шороодож, ёкозүнагийн зиндаанд хүрч чадаагүй гэж холбооныхон үзсэн. Нагоя башёд 13 ба түүнээс дээш давбал сануулга өгөлгүй өнгөрч болох талтай.
Гэхдээ л түүнийг ирэх башёд заавал түрүүлж байж, ёкозүна цолны нэр төрийг хамгаалах болно хэмээн “Эн Эч Ки” телевизийн спортын алба уламжилжээ.
Т.Батсугар
URL:
