“Вирус”

Сүүлийн үед Н.Алтанхуягийн Засгийн засгийн газарт алдаа наагчид дэндүү олон болчихож. Гэхдээ тэд нь гаднаас бус дотроосоо. “Засаг болохгүй байна”, “Засгийн буруу ш дээ” гээд л. Энэ удаад ч тэр Эдийн засгийн хөгжлийн дэд сайд О.Чулуунбат Засгийн газрын зарим нэг ажил болохгүй, бүтэхгүй байгааг хэвлэлээр ил тодоор зарлав.

Ингэхдээ Чингис бондын зар­цуу­лалт тааруу, төсөл хөтөлбөр хэрэг­жүүлэх ёстой яамдууд нь удаан ажиллаж байгааг онцолсон. Мөн “Рио Тинто”, “Чалко” зэрэг хөрөн­гө оруулагчидтай харилцаж буй гүйцэтгэх засаглалын хандлагыг ч дурьдахгүй өнгөрөөгүй бай­на билээ. Тэр ч битгий хэл “Засгийн газар хэтэрхий доошоо ороод бай­на” хэмээн хэлсэн нь сүүлийн 20 жилд хийсэн дүгнэлт ч гэлээ Н.Алтанхуягийн Засгийн газ­рыг тойроогүй дайрсан гэдэг нь тодорхой.

Ингэснээрээ тэрбээр Эдийн зас­гийн хөгжлийн дэд сайдад гүй­цэтгэх засгийн хөдлөх хурд, хийх ажил онцгой сайхан сэт­гэгдэл төрүүлэхгүй байгааг бат­лав. Цаашлаад өөрийн гэсэн бодолтой улстөрчийнхөө хувьд Эдийн зас­гийн хөгжлийн сайд Н.Батбаяртай яажшуухан зохицож ажилладаг юм бол гэх бодлыг төрүүлж орхисон юм. Нэг ёсны тэрбээр энэ удаагийн гүйцэтгэх засаглалд нэн шүүмжлэлтэй ханддаг дотоод “вирус”-ынх нь нэг байж мэдэх л юм. Зөв ярьж, буруу хийдэг  улстөрчдийн нэг нь л биш бол шүү дээ.

Г.Отгонжаргал