Н.Номтойбаяр гишүүнийг эгүүлж татна гэнэ үү

Намрын чуулган маргааш нээлтээ хийнэ. Ээлжит чуулганаар хэлэлцэх асуудлын дараалал гарсан ч энэ удаагийн чуулганаар З.Энхболдын ангийнхнаас нэг хоёр хүн хасагдах бололтой.

Тодруулбал, УИХ-ын гишүүн Ё.Отгонбаярын хувьд бүрэн эрх нь байгаа учраас УИХ-ын гишүүний халдашгүй бүрэн эрх гэдгээр шалтаглан шалгаж болохгүй байгаа аж.

Тиймээс намрын чуулганаар түүний бүрэн эрхийг нь түдгэлзүүлэх асуудлыг хэлэлцэх бололтой. Мөн бусдын биеийг хүйтэн мэсээр гэмтээсэн УИХ-ын гишүүн Н.Номтойбаярын бүрэн эрхийг түдгэлзүүлэх эсэх асуудлыг УИХ-ын Ёсзүйн дэд хороогоор хэлэлцэнэ гэсэн мэдээлэл байна.

Уг асуудлыг ёсзүйн хороогоор хэлэлцэж шийдвэл ээлжит чуулганы хуралдааны хугацаанд дээрх хоёр гишүүнийг эгүүлэн татах бололтой.