Алхангаа хийх 10 зүйлс
Замын түгжрэл, аагим халуун гээд машинаар явахад хүндрэлтэй байна уу? Тэвэл нэг өдөр ч гэсэн хөлдөө эвтэйхэн гутал өмсөөд аппаратаа бариад гараарай.
- Зургийн аппаратаа бариад гараарай. Замдаа тааралдсан модны навч, инээлдэн гүйлдэж багаа хүүхдүүд, магадгүй ажилдаа яааран алхаж байгаа хүнийг ч аваарай. Юмыг яаж мэдхэв чамд гэрэл зургийн онцгой мэдрэмж байгаа ч юм билүү. Харин авсан зургуудаасаа хамгийн өвөрмөц сонирхол татахуйц зургаа угаалган хадгалаарай.
- Чихэвчээ тултал нь чангалаад хөгжмийн хэмнэлдээ тааруулан эрч хүчтэй алх. Хөгжмөө сонсонгоо мөрөөдөж болох бүх л зүйлсийг мөрөөд. Магадгүй энэ үйлдэл чамд олон шинэ санаа төрүүлж шинэ зорилго гаргах ч юм билүү. Мөн сайхан дасгал ч болох биз ээ.
- Ойрд уулзаагүй холбогдоогүй найз руугаа утсаар ярь. Ажил ажил гээд уулзаж ч амжихгүй байна уу? Техник технологи хөгжсөн өнөө үед утсаар ярингаа баяр хөөртэй алх. Хүрэх газраа дорхноо л хүрчихнэ дээ.
- Замдаа тааралдсан шувууг хоолло. Асуудалгүй ээ амархан. Гэрээсээ гарахдаа бага зэрэг будаа халаасандаа хийгэд л гарчих. Заавал гандан орж тагтаа хооллох шаардлагагүй шүү дээ.
- Ойрын өдрүүдэд хийсэн болон хийх ажлуудаа нэгтгэн дүгнэж төлөвлөгөө гарга. Хийсэн ажлууд дээрээ гаргасан алдааг тооцож хийх ажил дээрээ анхаараарай. Ажлын бүтээмж чинь нэмэгдэнэ гэдэгт итгэлтэй байна.
- Замдаа тааралдсан хэн нэгэн хүн рүү чин сэтгэлээсээ инээмсэглэ. Чиний инээмсэглэл тэр хүний бүтэн өдөржингөө аз жаргал бэлэглэх ч юм билүү. Биднээс гарах сайхан энергийн эх үүсвэр бол инээмсэглэл шүү дээ.
- Эргэлзээтэй асуудлуудаа шийвэрлээрэй. Шийдэж чадахгүй, бодох цаг гарахгүй асуудлууд байгаа бол гав ганцаархнаа алхангаа бүх талаас нь бодоод үзээрэй чамд хэн ч саад болохгүй зөвхөн чи өөрийнхөө ертөнцөд байх болно.
- Олон хүн холхилдсон газар хөшөө шиг таг зогсож үз. Хүмүүс холхилдоод л хаашаа ч юм яараад харин та яаг дороо нам зогсчихсон. Яаг энэ үед ямар мэдрэмж төрөхийг сайн тогтоож аваад цаасан дээр бич. Дараа нь уншихад сонирхолтой байна.
- Хэрвээ найзтайгаа алхаж байгаа бол усаар байлд. Халуун өдрийн хамгийн сонирхолтой аялал байх болно.
- Ингээд эцэст нь гэрлүүгээ орохдоо өнөөдрийн тааралдсан бүх хүмүүс, орчлон ертөнцийн бүх зүйлд талархаад маргааш үүнээс сайхан өдөр байх болтугай гэж бодоод гэртээ ороорой.
Бүх л өдрүүдэд бүгчим агаар, машины түгжрэлд уураа барж явдаг байсан таны өнөөдрийн амьдрал бусдаас онцлог адал явдалтай болж өнгөрлөө. Мөн гэртээ ороод ч гэрийн тань уур амьсгал сайхан дулаахан байна биз ээ.
URL:
