Гурван хятад тутмын хоёр нь аз жаргалгүй

Эдийн засгийн үсрэнгүй хөгжилтэй гэгдэх өмнөд хөршийн иргэд амьдрал, эрүүл мэнд. нийгэм, хүрээлэн буй орчиндоо улам бүр сэтгэл дундуур явдаг нь судалгаагаар батлагджээ. Энэ судалгааг гадныхан биш харин хятадын судлаачид өөрсдөө хийж “гэр бүлийн аз жаргалын индекс” улсад нь хэдэн хувь байгааг тогтоох зорилт тавьжээ. Нийт 16 хотын янз бүрийн нийгмийн давхаргын 23 мянга шахам хүн багтаасан 9600 гэр бүлийг судалгаандаа хамруулаад Хятадад гурван хүн тутмын хоёр нь аз жаргалгүй гэсэн дүгнэлт хийжээ.