Хоол хийхэд хэрэгтэй ашигтай зөвлөгөөнүүд

Шөл хийх ногооны цуглуулгад яншуй, ногоон гоньд, цоохор майлз, сонгино, лаврын навч орно. Шөлөө бараг бэлэн болмогц эдгээрийг утсаар баглаж тогоондоо хийгээд хэдэн минутын дараа авна.

Хэрвээ гурвалжих будааг бараг болтол тусад нь чанаад шөл рүүгээ хийвал гурвалжин будаатай шөл эвгүй хөхөвтөр өнгөтөй болдог.

Хөлдүү махыг яаж гэсгээвэл дээр вэ?

Махыг хүйтэн усаар угаагаад таваг эсвэл төмпөнд хийгээд байлгана. Харин махаа хөшиглөж болохгүй, хөшиглөвөл мах хамаг сайхан шүүсээ алдана. Махыг халуун усанд гэсгээж болохгүй, тэгвэл аль ашигтай эд юм нь алга болдог.

Хөлдүү махыг хүйтэн усаар угаагаад 2….3 цаг тагтай саванд байлга. Гэсэхдээ гарсан шүүсийг нь чанахдаа ашиглаж болно.

Шарж бэлэн болсон мах, шувууны мах руу сэрээгээр хатгахад тунгалаг шүүс гарна.

Шарсан мах түлэгдвэл түлэгдсэн давхаргы нь авч хаяад, төмс хэрчиж шөл, ус юм уу, тос нэмж үргэлжлүүлэн шарна.

Хоол хийхэд таарсан хэмжээний махаа хөлдүү махнаас хэрчиж авахыг зөвлөж байна. Эхлээд гэсгээж дараа нь хөлдөөсөн махаа хамаг тэжээллэг чанараа алдаж, хуурай болдог.

Махыг чанаж шархаасаа өмнө битгий давслаарай, эрт давсалсан махны шүүс нь ялгарч амт нь муудаж, тэжээллэг чанараа алддаг.

Хар шөл түргэн хийхийн тулд махаа ширхгийн дагуу хөндлөн нарийхан хэрчих юм уу бөөрөнхийлээрэй.

Хэрэв та хатуу мах худалдан авсан бол түүнийгээ орос цуутай (литр усанд нэг шилэн аяга цуугаар бодож) усанд хийгээд 2 цаг болгоорой. Бас чанахдаа усандаа хоолны халбага цуу эсвэл нимбэгний шүүс хийвэл мах зөөлөн амттай болно.

Махыг шарж хайрсны дараа буцалж байгаа усан дээр 15 минут байлгахад шарж хайрсан мах шүүслэг болно.

Чандага шувууны махыг пийшинд шархын өмнө зөөхий түрхвэл шаргал хальстай болно.

Шарж бэлэн болсон мах, шувууны мах руу сэрээгээр хатгахад тунгалаг шүүс гарна.

Шарсан мах түлэгдвэл түлэгдсэн давхаргы нь авч хаяад, төмс хэрчиж шөл, ус юм уу, тос нэмж үргэлжлүүлэн шарна.

Татсан махыг хадгалж болохгүй, учир нь нян амархан үрждэг. Татсан махаар хийсэн шанз болон бусад бүтээгдэхүүнийг нэн даруй эргүүлж тойруулж шарах хэрэгтэй .

Хэрэв махан шанзан дээр бяслаг жигдхэн тавьж, бага зэрэг шарсан сонгино, нарийн үрүүр дээр үрсэн жаахан түүхий төмс тавибал амттай болно.

Хэрэв махан котлетикийг халбагаар дарахад тунгалаг шүүс гарч байвал болсны шинж мөн. Болсон котлетыг зүгэхэд ягаан биш, саарал өнгөтөй байх ёстой.

Түүхий элгийг ургамлын тос түрхэж хүйтэн газар хадгалбал сайн.

Хэрэв элгийг халуун усанд минут хэртэй дүрж гаргавал хальс нь амархан автагдана.

Хэрэв элгийг шархаасаа өмнө 2…3 цаг хүйтэн сүүнд байлгавал маш амттай болно. Элгийг шарж болох үед нь давслах хэрэгтэй.

Yхрийн бөөрийг чанахын өмнө хальсыг нь авч уртааш нь хэрчиж цаг хүйтэн усанд байлгах хэрэгтэй.

Бөөрийг хүчтэй галан дээр шарвал шүүсий нь илүү их гархаас хамгаална. Бөөрний шүүс их гарвал хатуу болдог.

Хэрэв шувууг 70 градусын орчим халуун усанд 2..3 минут дүрвэл амархан зулмарна.

Шувууны махыг гүйцэд шарахын тулд 10…15 минут тутам хайрч байгаа тосоор цавдах хэрэгтэй.