Н.Батбаяр О.Чулуунбат нар муудалцжээ

Өдрийн сонин бичихдээ – Эдийн засгийн хөгжлийн сайд Н.Батбаярын хувьд эдийн засгийн форумд очоогүй, үзэгдэж харагдаагүй нь үнэн. Яагаад гэдэг сэтгүүлчийн асуултад тэрээр хариулахыг хүсэхгүй, таг чиг байгаа юм. Ямар ч байсан сүүлийн үед хэвлэл мэдээллийн хэрэгслээр эдийн засгийн бодит нөхцөл байдлыг ил тод шүүмжлээд байгаа дэд сайдтайгаа форум эхэлдэг өдрөө Н.Батбаяр сайд ам мурийсан тухай эх сурвалжийн мэдээл бий.

Нуугаад байгаа үнэнийг нь ил болголоо, өөрийн яамаа эвгүй байдалд орууллаа гэж дэд сайддаа уурласан байж магадгүй гэсэн таамаглал байна. Гэхдээ ажил хэргийн маргаан аль байхыг тэр гэхэв. Ийм зүйлээс болж эрхэм сайд уурандаа эдийн засгийн форумд оролцохгүй байна гэж ч юу байхав. Ерөөсөө эдийн засгийн форумд оролцохгүй гээд шийдчихсэн байсан нь ортой байх. Яагаад гэвэл энэ чуулганд монголын эдийн засгийн үнэн байдлыг бодитоор нь ярих, хэлэх хүмүүс цуглах нь илэрхий байв.