Дуучин Г.Чинболор, “Банш” Батаа нар цагаан утас ажиллуулдаг байжээ
Дуучин Г.Чинболор, жүжигчин “Банш” Батаа хоёр нэг үеийн оюутнууд төдийгүй оюутны дотуур байранд хамт суудаг байжээ. Оюутан байхын л амьжиргаатай байсан тэр хоёр нийлж байрандаа цагаан утас ажиллуулж, хоолныхоо мөнгийг олдог нэлээн баян талдаа оюутнууд байсан гэнэ. Энэ талаар Г.Чинболортой нэг нутаг ус гэгддэг “Мөрөөдлийн театр”-ын ахлагч Алтаншагай ярихдаа “Надад бол тийм овсгоо, самбаа байхгүй, хичээлдээ л явдаг оюутан байлаа.
Манай энэ хоёр нийлээд хөөрхөн бизнес хийж, самбаачлагатай бужигнуулдаг байсан. Оюутнууд ар гэр рүүгээ ярихын тулд энэ хоёрын цагаан утсан дээр дугаарлана шүү дээ. Нэг минутыг нь хэдээр ч яриулдаг байлаа даа. Тэгээд эв найртай нь аргагүй орлогоо хувааж авдаг оюутнууд байсан. Угийн хөдөлмөрч хоёр шүү дээ” хэмээн найзуудаа магтаад авна билээ.
URL:
