Зүрх бүхний төлөө хөтөлбөрийн шилдэг оролцогч тодорлоо

Таван долоо хоногийн туршид үргэлжилсэн “Зүрх бүхний төлөө” хэмээх аяныг Mobicom корпораци санаачлан зохион байгуулсан билээ. Тэгвэл энэхүү зорилтот аяны ялагчаар жүжигчин И.Одончимэг 650,055 санал авсанаар шалгарсан байна. 8/18 – 9/22 хүртэл үргэлжилсэн энэхүү хөтөлбөрт саналаа өгсөн Мобикомын нийт хэрэглэгчид дундаас 5 хэрэглэгч Дубай руу аялах эрхийн бичиг, 15 хэрэглэгч ухаалаг гар утас, 1 хэрэглэгч супер шагнал болох бүрэн тоноглогдсон Jeep Wrangler машины эзэн болсон байна. Тус аяндМУГЖ И.Одончимэг, Камертон хамтлагийн дуучин Г.Мэнд-Амар, МҮОНРТ-ийн хөтлөгч, сэтгүүлч МУСГЗ Г.Золжаргал, Рэппэр Цэцэ буюу Н.Цэцэнбилэг, Яруу найрагч Ц.Хулан нар оролцсон юм.Уг аян нь нийгэм рүү чиглэсэн сайн үйл хийх зорилго тавьж ажилласан билээ.Ингээд МУГЖ И.Одончимэгийн “Улаанчулуутын хогийн цэг дээрх хүүхдүүдэд боловсрол олгоход дэмжлэг үзүүлэх” төсөл түрүүллээ. Түүний 4 долоо хоногийн туршид дараалан хамгийн шилдэг төслөөр шалгарсан юм байна. Удаах төслүүдээр Камертон хамтлагийн дуучин Мээдээ буюу Г.Мэнд-Амарын “Гэмтэл согогын үндэсний төвийн Түлэнхийн тасагт аппарат, тоног төхөөрөмж авч өгөх” төсөл, МУСГЗ сэтгүүлч Г.Золжаргалын “Хөгжлийн бэрхшээлтэй иргэдийн асран халамжлагчдад дэмжлэг үзүүлэх” төсөл тус тус шалгаржээ.

А.БИЛГҮҮН