Гал түймрийн дуудлагын ихэнх нь ахуйн хүрээнийх байжээ

Нийслэлийн Онцгой байдлын газарт өнгөрсөн  шөнө гал түймрийн 14 дуудлага, аврах ажиллагааны  гурван  дуудлага иржээ.

Гал түймрийн дуудлагын ихэнх нь ахуйн хүрээнийх байсан хэмээн албаныхан мэдэгдлээ. Харин өглөө 08.00 цагт ээлж солигдсоноос хойш  100 айл орчимд айлын байшин шатсан дуудлагын  дагуу  НОБГ-ын алба хаагчид шуурхай ажиллаж галыг унтраасан байна. Нийслэлийн Онцгой байдлын газраас иргэдэд хандан галын аюулгүй байдлыг ханган галлагаа болон цахилгааны холболтуудыг тогтмол шалгахыг  анхаарууллаа.

Б.Заяа

Эх сурвалж: “Монцамэ” агентлаг