Гэр бүлийн хүчирхийллээс үүдэлтэй хүн амины хэрэг гарчээ

Өнгөрсөн амралтын өдөр Чингэлтэй дүүргийн нутаг дэвсгэр  авто засварын газар хүн хутгалуулсан байна гэх мэдээллийн дагуу цагдаагийн байгууллага очиж шалгахад Сүхбаатар дүүргийн 10 дугаар хороонд оршин суух 45 настай эмэгтэйг Баянгол дүүргийн 18 дугаар хороонд оршин суух иргэн хүйтэн мэс ашиглан гэмтээсэн байжээ. Улмаар гэмтсэн иргэнийг ГССҮТ-д хүргэсэн байна. Харин бусдын биед халдсан этгээд өөрийнхөө амь насыг хохироосон байжээ. Хэргийг Чингэлтэй дүүргийн цагдаагийн хэлтэс шалгаж байгаа юм.

Тэгвэл уг хэрэг гэр бүлийн хүчирхийллээс үүдэлтэй аж. Тодруулбал, гэр бүлийн хүчирхийлэлд байсаны улмаас өөрөөс нь салсан эхнэртээ хорссон иргэн хадам эгчийгээ хутгалж хүнд гэмтээгээд өөрийнхөө аминд хүрсэн нь энэ аж.

Тиймээс манай улсад гэр бүлийн хүчирхийллийн эсрэг тэмцээд байна гэж байгаа ч энэ төрлийн гэмт хэрэгт өртөж байгаа олон мянган хохирогч байгаа гэдгийг хууль хяналтынхан, хийгээд албаныхан санах хэрэгтэй. Энэ төрлийн гэмт хэргээс сэргийлэхийн тулд нийтээрээ, олуулаа тэмцэх хэрэгтэй гэдэг уриалгыг ч гаргах нь зүйн хэрэг биз ээ. Өөрөөр хэлбэл, манай цагдаа нар ч иргэд ч “эр, эмийн хооронд илжиг бүү жороол”, “Айл гэрийн амьдрал бид нарт ямар хамаа байхав” гэдэг өнцгөөс хардаг байдлаа өөрчлөх хэрэгтэй байгаа юм. unen.mn