Нэг сая зөгийгөөр биеэ хучуулж дээд амжилт тогтоожээ

Зөгийнд хазуулахаас айдаг хүмүүс олон бий. Тэгвэл Хятадын Шаньдун мужийн Тайань хотод амьдардаг зөгий үржүүлэгч Гао Бинггуо биеэ нэг сая зөгийгөөр хучуулж Геннесийн дээд амжилтаа шинэчлэн тогтоосон байна.

55 настай зөгий үржүүлэгчийн биенд шавааралдан суусан нэг сая зөгий 109.05 кг байсан гэнэ. Дээд амжилт тогтоосны дараа түүний биеэс 2700 орчим зөгийний хошуу гарган авчээ.

Гао Бинггуо өнгөрсөн жилийн тавдугаар сарын 27-нд 85.5 кг зөгийгөөр биеэ хучуулж  дээд амжилт тогтоож байсан аж.

www.eagle.mn