Байр суурь: Гуйж оруулаад хөөж гаргадаг хаанахын ёс вэ

Өнөөдөр үдээс хойш хуралдсан АН-ын Гүйцэтгэх зөвлөл хуралдаж МАН-ыг Засгийн газраас гаргах шийдэлд хүрсэн. Энэ талаарх мэдээлэл олон нийтийн сүлжээ сайтаар хэдийнээ хүчтэй цацагдаж эхлээд байна.

Тэгвэл уг үйл явцтай холбоотойгоор МАН-ын зарим гишүүд өөрдийн байр сууриа  илэрхийлээд эхэллээ. Тэдний тэргүүлж УИХ-ын гишүүн Ё.Отгонбаяр болон Ч.Хүрэлбаатар нар өөрсдийн твиттер хуудсандаа ийнхүү бичжээ.

УИХ-ын гишүүн Ч.Хүрэлбаатар“Заа одоо ч харин МАН жинхэнэ сөрөг хүчин болж, эргэн ирнэ дээ. МАН-аар тоглож байгаа мэт боловч үнэндээ улс орноороо тоглож байна даа энэ АН. МАН-ыг хөөх шийдвэрийг АН-ы Гүйцэтгэх зөвлөл гаргаж байгаа сурагтай. Гуйж оруулаад хөөж гаргадаг хаанахын ёс вэ? Лав л Монголын ёс биш.

УИХ-ын гишүүн Ё.Отгонбаяр “АН-ынханы гол зорилго нь МАН биш Ч.Сайханбилэг. Мөн энэ шийдвэр нь эдийн засгийн өршөөлийн хуулийг батлуулахгүй байгаатай холбоотой” гэсэн юм.