Харшлын вакциныг дөрөвдүгээр сараас хийнэ

Арьсны өвчин судлалын үндэсний төвд хийдэг шарилжны харшлын эсрэг урьдчилан сэргийлэх вакцинжуулалтыг дөрөвдүгээр сарын 5-наас эхлүүлэхээр болжээ. Үүнд хамрагдах хүмүүсийг ирэх сарын 20-ноос эхлэн бүртгэх аж. Эмчилгээ хийлгэхийн тулд юуны түрүүнд сорил тавиулах бөгөөд шарилжны харшилтай хүмүүсийг төлбөртэйгөөр дархлаажуулалтад хамруулах юм байна.

Арьсны өвчин судлалын үндэсний төвд тарилга, цацлага, эмийн гэсэн дархлаажуулалтыг хийдэг. Төрлөөсөө хамаараад үнэ нь өөр байх бөгөөд 5-66 насныхан хэрэглэх боломжтой. Долдугаар сарын 15-наас шарилжны тоос дэгддэг. Үүнээс 2-2.5 сарын өмнө урьдчилан сэргийлэх вакцин эмчилгээг хийдэг аж.Ц.Заяа