Нэгдүгээр сургууль салбарын сайдынхаа тушаалыг зөрчжээ

БСШУС-ын сайдын Сургуулийн орчинд гар утас, цахим хэрэгслийн хэрэглээний талаар авах арга хэмжээний тухай тушаалын хэрэгжилтэд хяналт тавих зорилгоор нийслэлийн төвийн зургаан дүүргийн 18 сургуульд шалгалт хийжээ. Хичээлийн цагаар багш болон сурагчид гар утас хэрэглэж байгаа эсэх, сурагчид цахим орчинд донтохын эсрэг сургуулийн захиргаа юу хийж байгаа зэргийг шалгасан байна. Энэхүү шалгалтаар Монгол Оросын хамтарсан гуравдугаар сургууль, Баянгол дүүргийн 38 дугаар сургууль, Хан-Уул дүүргийн 34 дүгээр сургууль БСШУС-ын сайдын тушаалыг сайн хэрэгжүүлж байгаа нь тогтоогджээ. Харин Сүхбаатар дүүргийн нэгдүгээр сургууль салбарын сайдынхаа тушаалыг огт хэрэгжүүлээгүй байна.