Сар 4,5 тэрбум жилийн настай

Лос-Анжелес дахь Калифорнийн их сургуулийн эрдэмтэд сар ойролцоогоор 4.5 тэрбум настайг тогтоожээ.

Их сургуулийн сайтад нийтэлсэн мэдээгээр, дүгнэлтийг 1971 онд саран дээрээс цуглуулсан цирконы дээж дээр шинжилгээ хийсний эцэст тогтоосон байна.

“Цирконыг байгалийн хамгийн сайн цаг гэж үздэг. Энэ нь геологийн түүхийг хамгийн сайн хадгалдаг бөгөөд тэр нь тухайн обьектын гарал үүслийг тогтоох боломж олгодог” хэмээн геохими болон космохимийн профессор Кевин Маккиган ярьсан байна.