Төөгөө: “Монголчуудын тал хувьд нь угаалгын өрөө байдаггүй учраас усанд ордоггүй”

“Аймар” продакшныг үүсгэн байгуулагч бүжигчин Саруултөгс буюу Төөгөө одоогоор АНУ-д амьдарч байгаа гэдгийг уншигчид маань мэдэх биз ээ. Тэрээр саяхан http://rapzilla.com сайтад ийнхүү ярилцлага өгсөн байна.

Уг ярилцлаганд: ”Монгол улс 26 жилийн турш ардчилалын замналаар явж байна. Монголчуудын хувьд хип хоп урлаг төдийлөн том орон зайг эзэлдэггүй. Залуучууд нь хип хоп урлагт дуртай ч сошиал интернетийг ашиглаад мэдээлэл хайж олох мэдлэг тааруу учраас тэд зөвхөн нэрд гарсан цөөн тооны репперүүдийн тухай мэддэг. Реп соёл бол шинэ урлаг. Монголын хүн ам дөнгөж 3 сая хүрээд байгаа ч нийслэл Улаанбаатарт хүн амын тал хувь нь амьдардаг. Тэдний 70 хувь нь Монгол гэрт амьдарч, угаалгын өрөө байдаггүй учраас усанд ордоггүй, гэр хороололд амьдарч байгаа хүмүүсийн 30 хувь нь л интернэтийг ашигладаг, Гэсэн хэдий ч Монгол бол өсөн дэвжиж байгаа улс Монголын хүн ам мэдлэг боловсролоор ялангуяа соёлын өлсгөлөнд нэрвэгдээд байна” зэргээр бичжээ. Түүний энэхүү ярилцлагын доор Монгол залуус ихээхэн дургүйцэж сэтгэгдлээ илэрхийлсэн байв.

Ярилцлагыг дэлгэрэнгүй уншихыг хүсвэл:

 http://rapzilla.com/rz/features/interviews/16357-mongolian-star-tugo-names-dance-class-rapzilla-at-his-116-studio  линкээр орж уншина уу

Эх сурвалж: Seen.mn