Цагаан ордны өмнө нэгэн залуу өөрийгөө бууджээ
ВАШИНГТОН. /Синьхуа/. Өнгөрсөн бямба гарагт АНУ-ын Ерөнхийлөгчийн Цагаан ордны өмнө нэгэн залуу өөрийгөө буудаж амиа егүүтгэсэн тухай орон нутгийн цагдаа газраас мэдэгджээ.
Амиа егүүтгэсэн залуугийн хэн болохыг тодруулж амжаагүй байгаа бөгөөд тэрээр олон хүн цугларсан газарт өөрийгөө буудсан хэмээн иргэд ярьж байв гэж “Вашингтоны пост”сонин мэдээлсэн байна.
Цахим хуудаст тавигдсан нэгэн бичлэгт хэдэн зуун хүн үймэлдэн гүйлдэж, түргэн тусламжийн машинууд дохио хангинуулан давхин ирж буйг харуулсан байна.
Аюулаас хамгаалах албаны төлөөлөгч Кэти Милхоаны хэлснээр, залуу ганц удаа л буудан хүнд шархадсан ба аюулаас хамгаалах албаны ажилтнууд огт буудаагүй ажээ.
Ун үйл явдал болох үед АНУ-ын Ерөнхийлөгч Дональд Трамп Цагаан ордонд байгаагүй юм байна.
Н.Мишээл
Эх сурвалж: Монцамэ агентлаг
URL:
