Одоо байтлаа цэцийг “хулгайч” удирдах юм гэнэ

ТӨХ-ны даргаас өөрийн хүсэлтээр чөлөөлөгдсөн Д.Сугарыг Үндсэн хуулийн цэцийн даргаар тавих нь гэсэн мессэж нисэх болов.

Долоон сар даргагүй явсан цэцийн даргаар Д.Сугарыг тавих тухай энэ яриа олон нийтийн анхаарлыг гойд татаж байна.

Монгол Улсын Үндсэн хуулийн цэц даргагүй, бүрэлдэхүүн дутуу хагас жил гаруй үйл ажиллагаа явуулсан. Гэтэл ТӨХ-ны дарга байсан хүнийг гэнэт ажлаас нь чөлөөлж, цэцийн дар­га болгохоор ярьж эхэл­сэн нь элдэв хардлагыг тө­рүүлж байна.

Товчхондоо Үндсэн хуулийн цэцийн даргын суудлыг Д.Сугарт өгөхийн тулд долоон сар даргагүй байл­гасан болж таарав. Одоо байт­лаа бүр ҮХЦ-ийг муу “хулгайч” удирддаг болох юм гэнэ.

Ямар сайндаа л Дарханы хар төмөрлөгийн үйлдвэрийн хувьч­лал, “Эрдэнэт” үйлд­вэрт их хэмжээний ган бөм­бө­лөг нийлүүлсэн гэх хэрэгт хут­галдаж байх вэ дээ.

Түүнийг Дарханы хар төмөр­лөгийн үйлдвэрээс “Эрдэнэт” үйлдвэрт шууд нийлүүлэгдэх ган бөм­бөлгийн бэлдцийг гадаадын компаниар зуучлуулан ний­лүүлж, гадаадын ком­панид их хэмжээний мөнгө завших боломж олго­сон гэдэг.

АТГ-аас эл хэргийг нь шалгаж эрх мэдэл албан тушаалынхаа байдлыг урвуулан ашиглаж, төрийн өмчит “Эрдэнэт” үйлдвэрт хохирол учруулсан гэх хэрэгт Эрүүгийн хуулийн тусгай ангийн 263 дугаар зүй­лийн 263.2 дахь хэсэгт заасан гэмт хэрэгт сэжигтнээр тооцон шалгаж эхэлсэн. Гэвч удалгүй түүнд холбогдох хэрэг шүүхэд очиж амжилгүй замхарсан билээ. Яг л УИХ-ын гишүүд, томоохон улстөрчдийн хэрэг шиг.

Ер нь иймэрхүү хэргийг зам­хруулна гэдэг өнөө үед ямар ч нөлөөтэй, хөрөнгөтэй хүний хийж чадах хялбархан ажил болчихсон.

Харин олон нийтийн нүдэн дээр улайм цайм луйвар хийж явдаг Д.Сугар мэтийн албан тушаалтныг Үндсэн хуулийн цэцийн даргаар тавихаар ярьж байна  гэдэг Монголын төр яаж бохирдсоныг харуулж буй хэрэг биз ээ.

Хамгийн гол нь Үндсэн хуулийн цэцийн гишүүнээр ямар шалгуур хангасан хүмүүсийг томилох вэ гэд­гийг манай улсын хол­богдох хуулиудаар на­рийвч­илж зохицуулаагүй байдаг аж. Насны хувьд Үндсэн хууль болон Үндсэн хуулийн цэцийн тухай хуулиар цэцийн гишүүний насны доод хязгаарыг 40 насаар тавьсан байдаг. Гэхдээ цэцийн гишүүний насны дээд хязгаарыг бас л орхигдуулсан байна.

Энэ талаар УИХ болон холбогдох хуулийн байгуул­лагууд, хуульчид шүүмжилж байсан ч өнөө хэр нь нарийвчилсан шалгуургүй, хууль мэддэг, хуулийн байгууллагад ажиллаж байсан гэх ерөнхий томъёоллоор томилогдож байна.

Тэгвэл Д.Сугар үнэхээр Үндсэн хуулийн цэцийн дарга байх эрхтэй хүн мөн үү. Яах вэ, ХЗДХЯ-ны Төрийн нарийн бичгийн даргаас авахуулаад хуулийн байгууллагад олон жил ажилласан туршлагатай, чадварлаг хуульч байж болно л доо. Гэхдээ ёс зүйн хувьд Үндсэн хуулийн цэц гэдэг шүүх, хууль, хяналтын салбарын эцсийн шатны байгууллагын даргад тэнцэнэ гэдэг юу л бол.

Тэртэй тэргүй Д.Сугар Монгол Улсаас хумсалж, хулгайлсаар хагартал баяжсан нэгэн. Ийм хүн одоо юу хүсч ҮХЦ-ийн дарга болох гээ юм бол.

Үндсэн хуулийн цэцийн дээр тэнгэр л бий гэж ярь­даг. Харин тэнгэрээс бусад нь хянах боломжгүй ийм хариуцлагатай албанд хэнийг тавихаар ярьж байгаа нь энэ вэ.