Дүнжингаравын урд замд гарсан ноцтой ослын улмаас 3 хүн амиа алджээ

Баянзүрх дүүргийн нутаг дэвсгэр Дүнжингаравын зүүн урд замд 29-ны шөнийн 03 цаг орчим Субару импреза маркийн автомашин онхолдож гурван хүн амиа алдсан ноцтой осол гарчээ.

Ослын улмаас 2 эмэгтэй, 1 эрэгтэй амиа алдсан байна.

Спорт болон нэмэлт тоноглолтой тээврийн хэрэгслээр хотоос зайдуу замд зориулалтын бус зам, талбайд дрифт хийх, тээврийн хэрэгслийн хурд, хүчийг үзэх бусдын амгалан тайван байдлыг алдагдуулж байгаа үйлдэл нь өөрийн болон бусдын амь нас, эрүүл мэндэд эрсдэл учруулж байгааг Тээврийн цагдаагийн албанаас анхаарууллаа.