Д.Загджав: Д.Дэмбэрэл ээ,чамайг гишүүдийнхээ эрхийг гэж томилсноос биш ийм л юм боллоо гэж ярихыг чинь сонсох гэж томилоогүй

УИХ дахь МАН-ын бүлэг нэр бүхий дөрвөн гишүүнээс УИХ-ын даргад хандан тавьсан Цагдаагийн байгууллагын ажилтнууд  УИХ-ын гишүүдийн халдашгүй байдалд халдсан гэх гомдлын тухай асуудлыг авч хэлэлцэж байна.

УИХ-ын Хууль зүйн байнгын хороогоор өнөөдөр “Ажлын хэсэг байгуулах шаардлагагүй” гэж үзсэн билээ. Уг шийдвэрийг УИХ дахь МАН-ын бүлгийн зарим гишүүд эсэргүүцэн,  хурлын уур амьсгал ширүүхэн өрнөж буй аж.   УИХ-ын гишүүн Д.Загджав УИХ-ын дарга Д.Дэмбэрэл  рүү дайрч :   “Бид таныг УИХ-ын гишүүдийн халдашгүй байдлыг хамгаалах ёстой гэж үзэж, томилсноос биш, ийм юм болчихлоо гэдэг яриаг тань сонсох гэж томилоогүй юм шүү”  хэмээн  зандарсан байна.
Бүлгийн хурал хаалттай болж буй ажээ.

Э.Мягмардорж