Хадгаламж зээлийн хоршооны хөрөнгө 10 гаруй тэрбум төгрөгөөр дутжээ
Хууль зүйн байнгийн хороо хадгаламж зээлийн хоршооны хохирогчдын хохирлыг барагдуулах ажил ямар шатанд явж буй талаар Шүүхийн шийдвэр гүйцэтгэх Ерөнхий газраас мэдээлэл сонсчээ.
Анх 30 гаруй хадгаламж зээлийн хоршоо дампуурлаа зарлах үед 43 тэмбум төгрөгийн үнэлгээтэй бүтээгдэхүүн битүүмжилж байсан. Түүний дотор ашигт малтмалын лиценз, 34, 36 айлын орон сууц гэх мэт үл хөдлөх хөрөнгүүд бүртгэгдэж байв.
Гэтэл Шүүхийн шийдвэр гүйцэтгэх Ерөнхий газар цагдаагийн байгууллагаас анх 29 тэрбум төгрөгийн хөрөнгө хүлээж авсан байна. Мөн таван ашигт малтмалын лиценз хүлээж авсан боловч хугацаандаа төлбөрөө төлөөгүй хэмээн Ашигт малтмалын газраас хүчингүй болгожээ. Харин худалдаанд оролцсон хохирогч нарын төлөөлөл 14 лиценз байсан, түүний ердөө тав нь Шүүхийн шийдвэр гүйцэтгэх Ерөнхий газарт ирсэн. Ес нь аль шатандаа алга болсныг тодруулж чадахгүй байна хэмээсэн аж. Хохирогчдод үнэ тохирч битүүмжилж байгаа хөрөнгүүдийг худалдаж авахыг санал болгож байжээ.
Гэтэл энэ саналыг хүлээж аваагүй аж. Хэрэв энэ саналыг хүлээж авсан бол ингэж дундаас хөрөнгө алга болох асуудал гарахгүй байсныг хохирогчид хэлжээ. Найман жилийн өмнө битүүмжилсэн эксель, компьютер зэргийг хэн ч авахгүй байгаа нь асуудлыг хүндрүүлж байна. Нөгөөтэйгүүр хөрөнгө битүүмжлэх үед хөрөнгүүдийг хэт өндөр үнэлсэн нь хохирлыг барагдуулах ажилд хүндрэл учруулж буй аж.
ugluunii sonin
URL:
