Үндэсний цэцэрлэгт хүрээлэн арванхоёрдугаар сар хүртэл ажиллахгүй
Үндэсний цэцэрлэгт хүрээлэнд хийгдэж буй бүтээн байгуулалтын зарим ажлаас шалтгаалан түр хугацаагаар үүдээ барьжээ. Тус талбайд 300 орчим автомашины зогсоол, 2.6 километр тойрог бүхий гүйлтийн болон дугуйн зам барих ажил хийгдэж байгаа бөгөөд иргэдэд гэмтэл учруулж болзошгүй гэж үзэн ийнхүү хэсэг хугацаанд үүдээ барьсан аж.
Уг бүтээн байгуулалтын ажил ирэх арванхоёрдугаар сарын 1-нд дуусах юм байна. Дашрамд дурдахад цэцэрлэгт хүрээлэнгийн 1.6 га талбайг Сөүл хотын нэрэмжит болгон тохижуулж байгаа гэнэ. Харин иргэд болон томоохон судлаачдын зүгээс өөрсдийн орны томоохон цэцэрлэгт хүрээлэнд үндэсний уламжлалыг хадгалсан түүх, дурсгалын бүтээл, үзмэрийг бий болгох нь чухал хэмээн шүүмжлэлтэй хандаж байгаа ажээ.
Д.ДАВАА
URL:
