Г.Батхүү, Д.Зоригт нарыг эргүүлэн татахыг хүсчээ

Өвөрхангай аймгийн хэсэг иргэн Үндсэн хуулийн цэцэд өргөдөл гаргажээ.

Өргөдлийн утга нь Өвөрхангай аймгийн иргэдийн олонхийн санал авсан нэр дэвшигчдийг УИХ-ын гишүүнээр сонгоогүй нь хэд, хэдэн хууль зөрчсөн гэжээ.

Өргөдлийг Өвөрхангай аймгийн иргэн Ц.Нямсүрэн, Б.Ганбат, Ё.Оргодол, Ж.Жаргалсайхан, Г.Даваатогтох нар гаргасан байна.

Үүнд “СЕХ-ны шийдвэрүүд нь Монголын ард түмэн төрийн үйл хэрэгт шууд оролцож, мөн сонгож байгуулсан төрийн эрх барих байгууллагаараа уламжлан энэхүү эрхээ эдлэнэ гэснийг зөрчлөө. Сонгуулийн санал хураалтын дүнгээр С.Чинзориг 23493 , Н.Төмөрхүү 21267, Г.Батхүү 19939, Д.Зоригт 16795 хүний санал авсан байдаг. Гэтэл сонгогчдын хүсэлт шаардлагаар бус хуйвалдааны аргаар Г.Батхүү, Д.Зоригт нарыг УИХ-ын гишүүн болгосон. Иймд хууль бус аргаар гишүүн болсон энэ хүмүүсийг эргүүлэн татахыг шаардаж байна” гэжээ.

Д.Гэрэл /ЗУУНЫ МЭДЭЭ/