Дэлхийн хамгийн аймшигтай 20 ном
1. Дэлхийн хамгийн аймшигтай 20 номын жагсаалтыг Эмма Кокс гэгч сэтгүүлч бүсгүйн бичсэн “Stories that surround you” хэмээх ном өнгөлжээ. Зохиолч өөрөө сэтгүүлч мэргэжилтэй бөгөөд эрүүл мэнд, эдийн засаг, технологийн талаар голчлон нийтлэл бичдэг аж. Түүний энэ ном аль хэдийнэ аудио хэлбэрт шилжсэн тул хүссэн хүн интернэтээс татаж аваад унших боломжтой юм байна.
Сонирхуулахад, унтахынхаа өмнө хэзээ ч уншиж болохгүй хамгийн аймшигтай номыг тодруулах санал асуулгад номын хорхойтнуудын ихэнх нь энэ номыг нэрлэсэн байх юм. Өнгөрөгч 2014 онд уг ном хамгийн их борлуулалт сайтай номын жагсаалтад багтаж байсан бөгөөд уншигчдынх нь ихэнхийг насанд хүрэгчид эзэлж байжээ.
2. Дэлхийн хамгийн аймшигтай номын жагсаалтын хоёрдугаарт Америк зориолч Стивен Кингийн “The Shining” хэмээх жихүүдэс төрүүлэм үйл явцыг үгээр өгүүлэх бүтээл нэрлэгджээ. Ном 1977 онд хэвлэгдэж байсан аж. Зохиолч номоо өөрт тохиолдсон явдлаас сэдэвлэн бичсэн байна.
Тэрбээр архины эсрэг эмчилгээнд явсан туршлага болон 1974 онд Стэнли гэх зочид буудалд хоноглож байх үед нь тохиолдсон явдлыг дүрслэн уг романыг бичжээ. Хожим түүний энэ роман кино болон дэлгэцнээ мөнхөрч бүх цаг үеийн хамгийн гайхалтай кинонуудын нэгд зүй ёсоор нэрлэгдэх болжээ.
3. Жагсаалтын гуравдугаарт мөн л зохиолч Стивен Кингийн “It” хэмээх ном орсон байна. Зохиолч энэ номоо 1986 онд бичиж, хэвлүүлжээ. Улмаар ном хэвлэгдсэн даруйдаа бэстселлер болж, америкийн уншигчдыг байлдан дагуулах болсон байна.
Харин дараа нь 1987 онд British Fantasy Award-ын шилдэг зохиолоор шалгарч байжээ. Номонд долоон хүүхдийн дотоод сэтгэлийн чанад дахь айдас хүйдэс, жихүүдэс төрүүлэм үйл явдлын талаар өгүүлэгдэх бөгөөд нийт 1138 хуудаснаас бүрддэг аж.
4. Жагсаалтын дөрөвдүгээрт мөн л нэрт зохиолч Стивен Кингийн “Salems Lot” хэмээх бүтээл оржээ. Зохиолч 1975 онд энэхүү зохиолоо бичиж хэвлүүлжээ. Номд Бен Мийрс гэгч зохиолч залуугийн тухай өгүүлэгдэх аж.
Тэрбээр өөрийн төрөлх нутаг Мэний Иерусалим гэдэг жижиг хотноо эргэн ирж, тэнд айдас хүйдэс төрүүлэм үйл явдалтай нүүр тулах аж. Бен Мийрс есөн настайдаа Иерусалимд ирж, 13 нас хүртлээ амьдарсан бөгөөд бага насны бүх л дурсамж нь тус хоттой холбоотой байдаг аж. Гэвч эрийн цээнд хүрч, зохиолч болон нутагтаа ирэхэд түүнийг аймшигт цус сорогчууд угтдаг байна.
Энэ зохиол 1976 онд World Fantasy Award наадмын шилдэг зохиолын төрөлд шалгарч байжээ. Мөн 1987 онд бүх цаг үеийн хамгийн гайхалтай зөгнөлт зохиолоор нэрлэгдэж байв.
Эх сурвалж: www.mminfo.mn
URL:
