НАТО-гийн цэрэг рүү дайрлаа хэмээн буруутгав

Косовогийн сербчүүдтэй мөр­гөлдсөнөөс үүдэн НАТО-гийн хоёр цэрэг шархадсан байна. Тэд галт зэвсгийн шархтай хэмээн цэргийн төлөөлөгчид нотолж байгаа боловч сербүүд зэвсэг хэрэглээгүй талаар онцолсон юм. НАТО-гийн энхийг сахиулах хүчнийхэн Косовка Мит­ровица болон Зубин-Поток гэх хотуудын ойролцоо босгосон бэх­лэлтийг зайлуулах гэж оролдсон бөгөөд сербүүдийн орхисон ма­шин болон автобусыг замаас зай­луул­сан байна. Гэвч үүний хариуд сербүүд энэ хэсгээс 500 метрийн зайнд дахин бэхэлгээ босгожээ.

Бэхэлгээг зайлуулах ажилла­гаанд голдуу Германы болон Авст­рийн цэргийн хүчнийхэн оролцсон  бөгөөд энэ үеэр сербчүүдийн та­лаас буудсан гэнэ. Хяналтын хоёр ч газрыг Албанийн засаг за­хиргаа­ны­хан булаан авах гэж оролдсоны дараа сербчүүд болон НАТО-гийн энхийг сахиулах хүч­нийхний хоо­ронд мөргөлдөөн үүсч эхэлсэн юм. Үүний хариуд нь сер­бүүд бэхэлгээ босгосон бөгөөд тэдгээрийг нь НАТО-гийн цэргүүд буулгах гэж оролдож байна.

1980-аад оны үеэр Косовод олонхи болсон албаничууд Югос­лаваас тусгаарлах ёстой хэмээн үндэстэн хоорондын зөрчлийг анх үүсгэж байжээ. Тун удалгүй сөр­гөлдөөн жинхэнэ утгаараа дайн болон хувирсан бөгөөд аль аль тал нь ихээхэн хэмжээний хохирол амссан байдаг юм. Европ болон НАТО албанчуудын талд орсон билээ.

Косовогоос цэргээ гаргахгүй гэсний төлөө 1999 онд НАТО-гийн нисэх хүчин тэр үедээ Югославын нутгийг бөмбөгдөж эхэлсэн юм. 78 хоногийн турш бөмбөгдүүлсэн Белград буулт хийснээр Косово­гийн бүс нутагт энхийг сахиулагчид орж иржээ.

Барууны орнуудын дэмжлэг­тэй­гээр Косово дахь зас­гийн эрх албанчуудын гарт орсон бөгөөд 2008 оны хоёрдугаар са­рын 17-ны өдөр тусгаар тогтнолоо зарласан юм. Энэ улсын тусгаар тогтнолыг дэлхийн 85 орон хүлээн зөвшөөр­сөн бөгөөд тэдгээрийн дотор АНУ болон Европын холбооны орнууд багтаж байна. Гагцхүү Серби, Орос, Хятад болон хэд хэдэн орон тэдгээрийн дотор хориг тавих эрхтэй ОХУ болон БНХАУ багтдаг Аюулгүйн зөвлөл, НҮБ-ын Ерөн­хий Ассамблей хүлээн зөвшөө­рөөгүй байдаг юм.