Зэсийн үнэ эргэн өслөө

Гурван долоо хоног буураад байсан зэсийн үнэ эргэн өслөө. Перугийн томоохон зэсийн уурхайнуудын нэг “Las Bambas”-ийг 12 дугаар сарын дундуур хаахаар болсон нь үүнд голлон нөлөөлж байна.

Ингэснээр зэсийн нийлүүлэлт хумигдах төлөвтэй боллоо. Нөөц нь 2008 оноос хойших хамгийн доод түвшинд хүрээд байгаа юм.

Үүнээс гадна БНХАУ-ын эдийн засаг саарч байгаатай холбоотойгоор зэсийн эрэлт тааруу байх төлөвтэй байгаа аж.

Лондоны Металлын биржид зэсийн үнэ 0.7 хувиар өсөж, тонн нь 9470 ам.доллар байна. Харин бусад металлуудаас никелийн үнэ гурван хувиар өссөн бол хөнгөн цагааны ханш 0.5 хувиар буурсан байна.

Ц.Бадмаараг

Bloomberg Tv