Америкчууд зул сарын бэлгээ авч чадахгүй

Санхүүгийн хямрал нүүрлэсний улмаас Америкийн хоёр хүн тутмын нэг нь ирэх Зул сарын баяраар ойр дотныхондоо бэлэг авч чадахгүй байх гэж эмээж буйгаа санал асуулгын үеэр илэрхийлжээ. Америкийн телесувгийн явуулсан санал асуулгын дүнгээр судалгаанд хамрагдагсдын 40 хувь нь өнгөрсөн жилд зарцуулснаас бага мөнгийг бэлгэнд зарцуулна хэмээн хариулсан байна.

Харин ердөө дөрвөн хүний нэг нь бэлэг авахад асуудал байхгүй гэж хариулсан байна. Түүнчлэн Америкийн иргэдийн 15 хувь нь банкны данс эсвэл зээлийн картгүй байгаагийн дээр тэдний талаас илүү хувь нь жилд 50 мянган доллараас бага орлого олдог болох нь судалгаагаар тогтоогджээ.